只懂問廢話！

今朝番到公司，雖然好忙，但還算暢順。點知一個電話，令我頂頂頂住道氣！

我知全城家長極度恐慌，驚自己個仔女會比人搶左。

某人緊張，我都好明白，我都擔心，但除左拖實及金精火眼 look 實之外，我只可以話：小心！小心！小心！

電話對答如下：

"姐姐 (工人)送個女番學有冇問題？"

"有咩問題？"

"即係姐姐一個人帶佢番學得唔得？"

"吓？佢地日日行番學，咩得唔得？"
"我意思係安唔安全？"

"吓？行番去算唔算安全？"

"我係話搶細路嗰單新聞，得姐姐同佢番學安唔安全？"

"唔係姐姐送嘅話，咁應該邊個送呢？" (差 d想問佢係咪打算請保鏢包接送！)

"我知，咁你有冇出個電話比姐姐？"

"吓？又出？佢已經兩個電話囉喎。"  (妖，個姐姐已經做左就快3年，唔通會冇電話？)

"咁有冇叫姐姐打比你？"

"打比我做乜？"
"同你講幾時出門口、係咪安全番到學校/屋企囉！"

"吓？唔係嘛？我從來冇叫佢打喎。有事佢自然會打比我！打左比我唔代表會安全啲囉！"

'……"

跟住佢好冇癮地收皮！

見到單咁嘅新聞，好多家長都會擔心，但佢所有問題都係"零"建設性，廢話！咁叻佢自己日日去包接送囉！再唔係困個女喺屋企，三步不出閏門好唔好？

如果阿女第時 d表達能力好似佢咁差，我一定好早死！

懶主意 - 蕃茄哈哈粉絲㷛（附食譜）

星期六，去到街市，除左買料炆定星期日嘅羊腩煲之外，仲要買當晚嘅餸。

太后星期五晚飯時胃口不佳，因為之前食左好多雜糧喎！結果有餸剩，但每樣dd，頭都大埋！

冇乜煮意，又唔想再蒸魚，不如整個蝦。想食泰式粉絲蝦㷛，但好似唔啱阿女食，不如....

蕃茄肉碎粉絲㷛變奏版：蕃茄哈哈粉絲㷛！

食材：

一兜蝦 脫殼洗凈

4隻蕃茄 去皮切粒

一扎粉絲 浸軟

調味：

茄汁適量

糖

生抽

老抽少許

配料：

薑幾片

蒜粒若干

起鑊下油，爆香薑蒜，落蝦爆炒至8／9成熟，撈起備用。

另起鑊下油，兜熟蕃茄，下茄汁、老抽、生抽、糖，試味。加入粉絲撈勻，今粉絲吸收汁料，放蝦再撈一會，熄火，上碟，開飯！

太后駕到 - 羊腩㷛 (附食譜)

又係半年一度、每度半年，太后移駕窩居嘅時候。一想到周末要全天候服侍一老一少已令我非常苦惱。

經過上星期日自我虐待之後，我今次學乖了，先下手為強，炆定㷛羊腩先，星期日就可以冇咁緊湊。

我呢個係懶人版本。

食材：

羊腩 暫件

馬蹄 去皮

枝竹 浸軟切段

冬姑 厚切或原隻

配料：

南乳

麵豉

薑 （頗多，切厚片）

乾蔥頭數粒

蒜蓉小許

黑糯米酒少許

老抽

生抽

糖

水

我買嘅南乳、麵鼓係一包包的，暫時每樣用一包先。

做法：白鑊落羊腩炒至每邊微微轉色，灒黑糯米酒（我冇，灒左花雕）。

加水至蓋過羊腩，待水滾，熄火，撈起羊腩，用水洗淨，備用。

落油爆香厚薑片，再下乾蔥頭，之後下蒜蓉，兜勻後落南乳、麵豉。如果太杰身好難煮開的話，可逐少加水至溶解。

下羊腩、馬蹄、冬菇大兜亂，之後加水至蓋過羊腩，加生抽、老抽、糖，中火至滾，收細火加蓋炆30分鐘，熄火焗。

（我冇marmite 鍋，唯有用鑊炒，直至加水水滾後轉落 20 round 繼續炆。）

沖涼，瞓覺。

（由於我係早一晚開始炆，所以未落枝竹。如果係晩飯食，可在下午加枝竹。）

聽朝起身，開中火至滾，收細火炆20分鐘，熄火焗，其間加入枝竹，重覆炆至淋及入味。

**如果唔夠未，可再加南乳及麵豉，只要再爆香加水（或羊腩㷛汁）煮溶，加入羊腩㷛繼續炆即可。

蕃茄肉碎粉絲㷛 (附食譜)

阿女鐘意酸酸甜甜，做阿媽嘅間唔中都會投其所好，比佢興奮吓！

呢個餸材料簡單，做法容易，懶人餸一個！今次落場嘅係 20cm Bis。

材料 

免治豬約 $10

粉絲一包濕軟後剪開數段

中型蕃茄 3隻切粒

醃豬:

生抽

胡椒粉

糖

粟粉

水 (適量)

油

汁料:

茄汁: 生抽  比例 2:1 

(兩份茄汁: 一份生抽)

糖 適量 (可溝完試一試味先)

做法:

1) 先炒豬肉碎

2) 再下蕃茄粒同炒

3) 落汁料兜勻後下粉絲煮至粉絲夠林 (怕乾可再落少少水)

完成!

情迷紫丁香

中毒半年，由知道有 Lilac Mist 呢隻色之後，千方百計想搵，但毛蟲入手。

終於等到了 Sogo Thankful Week，動員了若干個戶口，皇天不負有心人，雖然唔係最想要嘅心心／risotto，但有個 18 round 已眼閉。

如無意外，收手了 ~~~~ 2013年。

還給孩子們應有的童年 (作者 羅健熙)

我的家庭關係不算很好，但對父母最大最大的感恩，就是他們自小已給我很大很大的自由度。這些好像很簡單、普通的事，現在看來竟然變得有點像恩典：

• 小時候，我可以自己選擇學習鋼琴與否
• 高小，我放學後可以自己乘巴士從牛頭角回藍田的家；也可以自己入廚房開爐煮公仔麵和西多士
• 中三，選文科、理科完全由自己作主
• 中五，第一次拍拖被發現了沒有被責難；會考時父母沒有比我更緊張
• 中七，大學聯招選科排序完全由自己作主
• 大學畢業準備投身社會，決定了從政，我才告訴父母
• 第一次區議會選舉失敗，父母叫我自行決定下一步如何，他們怎樣也支持
• 競選民主黨副主席，也沒跟父母商量，父母得悉後亦沒有給我壓力

在我整個人生路上，由學業、課外活動，到事業、愛情等等，父母都默默支持我每一個決定。對很多人，特別是「怪獸家長」們的子女來說，這個簡直是大得無比、難以想像的恩典吧？

說起「怪獸家長」，有時我也擔心自己未來會否成為他們一份子？曾被人問及，當所有人都在排隊搶學位，你敢不敢不加入排隊？當所有人都在催谷孩子，把他們練到四五歲已通曉兩文三語、懂得彈鋼琴拉小提琴，還學習了奧林匹克數學時，你又會否擔心不一起催谷的話，會誤了孩子的未來？

我一時語塞了。「誤了孩子未來」這個包袱一放在肩上，有哪個父母還敢怠慢？

整個社會的紛圍很可怕。連我這些童年開始便已呼吸自由空氣長大的人，也會擔心自己離不過洪流而參與瘋狂的孩子催谷戰，更別說早已習慣「父母催谷孩子」、「要為孩子計劃未來」思維的人了。

但我至今仍然相信，孩子的唯一責任是盡情玩樂，而絕不是甚麼琴棋書畫、兩文三語。

我也仍然相信，孩子的童年被剝奪，將對孩子未來發展帶來嚴重的影響。

我們憎厭成人世界的競爭，為何還要把孩子押上成為競爭的賭注？疏忽照顧被歸作虐兒的一種，我想，過份保護和剝奪孩子童年也不能輕鬆放過。

救救孩子，還給孩子們應有的童年，可以嗎？

Source: http://hk.news.yahoo.com/blogs/slowlife/還給孩子們應有的童年-232514602.html

何來私人空間?

從前，女兒晚上九時許入房睡覺後，就是我的私人時間，雖然沒什麼事可做，但懶洋洋地看看書、偷吃零食也已經很寫意。

但不知是怎樣開始，女兒最近總愛黏著我，知道我要洗澡，她會把小櫈子也搬進洗手間，好讓自己可以坐下來等我。洗完澡她會走進自己房間，把陪她睡的布偶都大遷徙到我床上去。我問她幹什麼，她說 "媽媽床"。我問她 "你不跟姨姨睡嗎？" 她搖搖頭。

我曾經看過很多報導，說外籍女傭怎樣虐待小主，甚至性侵犯，其實我也有想過，也不是不擔心。但當我叫女兒跟姨姨說晚安時，她會很高興的跑到姨姨身前，熱情擁吻，然後很滿足的走進我房間爬上床睡覺。

我相信小孩子的反應是很直接的，如果姨姨對她不好，我想她縱使有多麼喜歡這個阿姨，也不會對她如此熱情。所以，我相信啊，最壞的打算，就是姨姨見到女兒這樣黏著我，順勢繼續幫女兒洗腦，說跟媽媽睡有多好，媽媽有多喜歡之類，那小人兒更加事無忌彈地寸步不離我身邊。

這個情況大概已有好幾天，不知會不會越來越嚴重，例如：不讓我上班、不讓我獨自上街。還好她晚上睡得不錯，沒有影響我上班的精神，而且睡前還可以跟她說悄悄話，如果十多年後還有這種光境，那老天已算對我不錯。昨天晚上關了燈，母女兩在床上，女兒甜甜的說 "媽媽、媽媽、媽媽、媽媽、媽媽、媽媽…" 媽得我的心很甜呢。