雙劍合壁

上個星期有一晚....

囡囡半夜三更大叫痾尿，我一起身，原來佢已經賴左一大篤，床、褲、被都濕左。

即刻拎左兩條毛巾，除左佢條褲，抹一抹乾，再墊住。實在太眼瞓，冇能力趴去隔離房拎過另一套衫佢換，只係幫佢再蓋被就一齊大覺瞓。

點知出事了，隔左一兩日佢開始有鼻水添，可能冇著褲攝親，都怪我太懶！好在剛剛有隻海鷗飛到香港，幼稚園停課，避免左番到學交叉感染。

既然學左靈氣，當然要試下雙劍合壁。今次我把握治療最佳時機，一開始有鼻水已即刻用 Thieves & RC招呼佢。第二日有微燒，我唔敢用靈氣，因為我怕佢會燒得更高，所以只係搽埋 Peppermint 幫佢舒緩下。慶幸一晚已經退哂燒，但海鷗啱啱走，幼稚園繼續停課，我就多左半個上晝可以同佢做靈氣。

燒係退左，但開始有幾聲乾咳，尤其是剛剛瞓落床，及朝早剛瞓醒時，更加係唔停口咁咳。

我於是抽起 Peppermint，換支止咳嘅 Myrtle，再襯佢夜晚瞓嘅時候同佢做靈氣，除左做靈氣保健治療，仲會用精油搽喺我掌心，專攻佢心輪、喉輪。

做左兩晚，有時朝早都做幾分鐘，到呢兩日，好明顯咳少好多，尋晩瞓落床更加係一聲都冇咳過。雖然我手放喺佢心口做靈氣時，仲係感覺到個肺／氣管有少少喘，但似乎已經在我掌握之中。

感恩我遇上靈氣及精油。