最近開始學靈氣,不過今次唔講靈氣住。
奇人做奇事,發生喺我第一次學識唸觀音咒(六字大明咒) 嘅晚上。
尋晚參加左個小組活動,聽阿 Sir 講 禪 . 生活,氣氛好輕鬆、好隨意。我將個電話掉左入手袋,專心聽野。
聽吓講吓,過左一粒鐘,阿 Sir 話 take 個break 啦,一陣醒你地六個字!
啊,OK啦!於是拎部電話望吓!
嘩!又比我個奇人老闆瘋狂地炸,又 missed calls 又 whatsapp!咩話?你而家至話我知你要做架車聽日上廣州?你有冇學過 time management 架?唔怪得你星期四下晝係咁將星期五啲會搬走哂啦!咁你唔早啲講?早啲預備都好呀!我唔理啦,即刻 whatsapp 個 car vendor,通知左佢我聽日要架車去廣州,但乜 details都冇,叫佢搵定車先!
Break完!繼續講禪!阿 Sir話有兩個好緊要嘅字,一: "止",二: "觀"。止,係停止雜念,專注去做一樣野。學識左 "止","觀"自然會出現。之後叫我地舒適地坐好 (有人坐地下打坐,我就繼續坐櫈) 。
然後,阿 Sir 就教左六字大明咒:
嗡 嘛 呢 叭 咪 吽 (藏文:ཨོཾ་མ་ཎི་པ་དྨེ་ཧཱུྃ )
由等一部份唸得好快好快,到第二部份唸得慢啲,到第三部份要慢到要每一個音自己都清清楚楚,之後第四部份合拾,乜都唔做,專注呼吸。
第一部份,我好用心地好快咁唸;到第二部份,速度減慢左一半,但唸到咁上下,右邊額頭開始痺痺地 (we-宏-宏咁);到第三部份,痺痺地嘅地方開始痛添。有時唔去諗個頭痛,專心地唸,感覺到自己唔知坐左喺邊; pat pat冇乜感覺;手又唔知放左喺邊,但其實我雙手就咁放左喺大脾上面。總之就成個人都唔知喺邊啦。
四個部份都做完,阿 Sir 問有咩感覺,我話我有啲時間 (幾秒又幾秒) 唔知自己坐左喺邊,同埋個頭又痺又痛囉!
阿 Sir話,嗰啲 "唔知自己坐左喺邊" 嘅感覺,即係我有: "止" 到。由於有 "止",所以可以"觀" 到自己自身嘅問題: 頭痛。
講番個奇人。
喺我一路唸六字大明咒嘅時候,小不免要諗吓夜啲點樣可以拿拿林攞 approval 攪掂架車送個瘟神上廣州啦!諗下又唸下,唸下又諗吓。不過大半數時候我都係專心唸緊嘅。
到散 band嗰陣我 check公司 email,哈!真係世界無奇不有!我見到個奇人已經自己send左個 email 比 management team攞 approval 做車!真係未試過!大奇蹟日!
嘅然佢咁叻,我就無謂插手啦!於是我只係 whatsapp 問吓佢幾點要車、邊度 pick up,我會搵定架車比佢!
哈,成件事就係咁就攪掂左。今朝番緊工時,management 已經批哂所有野啦!UNBELIEVABLE !
真係清除業障,帶黎平安、如意?咁我真係要唸多啲啦!
Reference:
沒有留言:
發佈留言