數字骨

印象中好似煮過幾次數字骨，但一係用汪汪，一係乾哂水、一係太鞋、一係唔夠味！其實次次都係跟食譜做，但控制火侯至係學問。

星期六買了排骨，再挑戰數字骨。

跑活水後沖乾淨

煮汁：

1tbs 紹興酒

2tbs 生抽

3tbs 糖

4tbs 鎮江醋

5tbs 水

今次用我心愛嘅 LM 18cm round，汁滾左之後將排骨放落去，再滾後加蓋轉細火，煮15分鐘，熄火，半小時侯再開小火15分鐘。

之後視乎汁嘅情況，多汁則開蓋繼續㷛至收汁。

大功告成！今次個味似出街食啦！

Frozen 的暑假

有媽媽朋友發起了一個 Frozen Party。

真佩服兩位兩子之母，要番工、湊仔、揼奶，還有時間攪 party。我最冇所謂，而且個女係 Frozen fans，一定好想玩。於是三個女人一個墟，實實在在地幹起來。

場地、日子、召集、budget、小手工、遊戲、禮物、食品等等。主意一籮籮，難得各自自動波將自己做得到嘅都認左頭，分工合作喺好自然嘅情況之下分工左。

不過，我亦在不知不覺、無心插柳之下認頭左一樣我最弱嘅一項：甜品！

話説早一排潮爆各大小媽媽/飲食谷嘅 broken glass jelly，因為藍色啫喱粉已全線斷貨，連供應商都話冇。 於是我請求萬能嘅面書幫忙，有兩位朋友各自讓左兩盒好珍貴嘅藍色比我。真係感激不盡！

問題黎啦，我好少整糕點甜品，有而且今次責任動大，手震添，唯有試做一次。

由於材料短缺，所以試驗品係唔會做藍色。於是按我要做嘅份量，一邊睇 youtube 教學，在邊按比例計份量。

其實我最緊張嗰 part 係魚膠粉，今次係第一次用，好在做左好多功課，冇失手。

成功！仲要試做多一盆玩分層效果，希望顏色效果好啦！ 

新玩意

又真係幾好玩，煎魚未試過咁有成功感。

講緊嘅係韓國玫瑰鍋，見朋友話炒蛋唔使油，吓？咁神奇？即刻申請入谷八卦吓。

一入谷更加覺得好玩，幾百蚊有代購，即刻舉手買番隻！

開光餸其實係煎多春魚，凍鑊凍油（極少油）放魚開中火，幾條魚跣來跣去，完全唔痴底。完完整整咁上枱 。It is amazing!!!

可惜相已比我 delete 左。第二次做煎波波，一樣係凍鑊少油，再唔怕比油彈花隻手。

仲有㷛仔飯，零痴底！

少油炒飯，冇得頂！

呢個鍋絶對係我誠意推介！